Akademiku Qosja për vizitë në shtëpinë e Dritëro Agollit

Akademiku Rexhep Qosja në shenjë kortezie ka qenë sot për vizitë në shtëpinë e shkrimtarit  Dritero Agolli i cili ka pak kohë që është ndarë nga jeta.

Ai ka folur gjatë per veprat e “mikut të tij të mirë” dhe për rëndësinë e letërsisë në tërësi.

Qosja i ka cilësuar veprat e Dritëroit si vlera të rëndësishmë, një pasuri e cila do të mbetet në dorë të lexuesve shqiptarë.

“Do të kisha dashur që të isha i pranishëm në homazhe, por nuk munda dot të vij pasi isha i sëmurë. Dritëroi do te jetë i pranishëm gjithmonë mes nesh me veprat e tij të lënë pas”, tha Qosja në takimin me Sadije Agollin dhe familjarët e tjerë të shkrimtarit.